Биыл елімізде 6 түрме жабылады. Бұл жайт сотталушылардың күрт төмендеуімен байланысты орын алып отыр.
Бұл туралы ҚР Бас прокуроры Жақып Асанов ведомствоның алқа жиынында мәлімдеді, деп хабарлайды BNews.kz.
– Түрме индексі бойынша позиция жыл сайын жақсарып келеді. Бүгінде біз 221 мемлекеттің ішінде 62-орындамыз. Бұл Еуропаның жетекші елдерінің деңгейінде. Жарты жылда сотталғандар саны 2,5 мыңға төмендеген, бүгінде 37 мыңнан аз. Қаражалдағы колония жабық, осы жылы тағы 6 түрме жабылады. Бұл «түрмедегілерді азайту бойынша 10 шара» атты біздің жобамыздың нәтижесі, – дейді Бас прокурор.