Бишімбаев түрмеде қандай жұмысқа істейді?

Экс-министр Қуандық Бишімбаев әлі калонияға түскен жоқ. Бұл туралы бүгін Орталық коммуникациялар қызметінің брифингінде Қылмыстық-атқару жүйесі комитетінің төрағасы Теңізжан Жәнібеков айтты.

Оның айтуынша, жуырда Бишімбаев қауіпсіздігі жоғары калонияға жеткізіледі. Бұдан бөлек, ол Бишімбаевтың түрмеге қандай жұмыс істей алатынын мәлімдеді.

«Өндірістік аймақтарда түрлі жұмыс бар. Ол «Еңбек» республикалық мемлекеттік кәсіпорында ағаш, металл өңдеу саласына жұмысқа орналаса алады. Қай жерде бос орын болса сол жерге бара алады. Колонияға түскен соң ол 15 күн карантинге түседі. Одан кейін тиісті отрядқа жіберіледі», – деді Жәнібеков.