Алматыдағы қыз балалар лицейінде 2016 жылғы 5 қарашада «KATEV» Халықаралық қоғамдық қорының ұйымдастыруымен «Білім-инновациялық лицейлері» оқушыларының ата-аналары арасында аймақтық волейбол жарысы өткізілді.
Жарыс Қазақстан Республикасының 25 жылдығы мен Алматы қаласының 1000 жылдығына арналды. Жарысты өткізудегі мақсат «Салауатты Қазақстан» мемлекеттік бағдарламасы аясында спорттық іс-шараларды бұқаралық сипатта өткізу, салауатты өмір салтын насихаттау болатын.
Осы іс-шараның қонағы, еліміздің танымал әншісі Меруерт Түсіпбаеваның орындауындағы «Туған жер» әні және лицей бишілер тобының орындауындағы ұлттық нақышты биі қатысушыларға көтеріңкі көңіл-күй сыйлады. Жарысқа жалпы алғанда 10 команда қатысты. Атап айтсақ, бұлардың арасында Есік лицейі ата-аналар командасы, Өскемен лицейінің ата-аналар командасы, Сулейман Демирел колледжінің ата-аналар командасы бар.
Командалар жақсы дайындықтарын көрсетті. Ойын өте қызу өтті. Жанкүйерлер ойын барысында өз командаларын қолдап отырды. Сонымен қатар шахмат ойындарына да қызығушылықпен қатысты. Жарыс нәтижесінде І-орын – Алматы қыз балалар лицейі ата-аналар командасына; ІІ-орын – Өскемен лицейі ата-аналар командасына; ІІІ-орын –Талдықорған лицейі ата-аналар командасына бұйырды.
Сондай-ақ командалар арасынан жекелеген ойыншылар «Ең үздік шабуылшы», «Либеро» номинацияларымен марапатталды.
Марапаттау кезінде жүлделі орындарға Мақтау Грамоталары мен кубок және медальдар табыс етілді.
Директордың тәрбие ісі
жөніндегі орынбасары
Туртаева Ф.Б