Білім және ғылым вице-министрі Эльмира Суханбердиеваның айтуынша, Елбасы Жолдауында айтылған Педагог мәртебесі туралы заңды әзірлеуге дайындық басталды.
Отырыста Эльмира Суханбердиева президенттің Қазақстан халқына арнаған кезекті Жолдауында берілген тапсырмаларды орындауға кіріскенін хабарлады.
«Елбасының тапсырмасына сәйкес «Педагог мәртебесі туралы» заң жобасын дайындау басталды. Жұмыс тобы құрылды. Бүгінгі таңда заңның концепция жобасы әзірленді. Ол әзірлегеннен кейін министрлік оны барлық өңірдегі педагогикалық және ата-аналар қауымдастығымен талқылайды», – деді вице-министр.
Осы орайда БҒМ өкілі аталған заң жобасын дайындауда депутаттардың да пікірі ескерілетінін жеткізді.