Шығыс Қазақстанның құтқарушылары бір тәулік бойы қар борап тұрған жазық далада адасқан шопанды тапты.
„14-қарашада ер адам малды қарап келуге кетіп, содан оралмаған. Ауа-райының қолайсызыдығына байланысты ұялы байланыс желісі де үзілген, алайда ер адам үй-ішіне қоңырау шалып, адасып кеткенін айтып үлгерген. Сол күні кешкісін іздеу жұмыстары басталып кетті, алайда түтеген бораннан бірнәрсені көру қиынға түсті.
Тек 12 сағаттан кейін Қыземшек ауылынан 15 шақырым жерден құтқарушылар 50 жастағы ер адамды тапты. Оның жанында ірі қара мал болған. Бір тәулік бойына шопан ашық аспан астында тамақсыз, сусыз болған„ делінеді облыстық төтенше жағдай департаментінің баспасөз қызметі таратқан хабарламада.
Семейдің құтқарушы қызметкерлері оның үйіне оралуына көмектескен. Ал ол қарауға кеткен малға ештеңе болмағанын баса айта кетелік.
Ал осы уақытта аймақтағы өрт сөндірушілер мен құтқарушы қызметтің басқа қызметкерлері „Семей-Қарауыл„ жолының 35 шақырымында қар астында қалған көліктен 3 адамды құтқарды.
Аягөз ауданының өрт сөндірушілері де „Самар-Алматы„ бағытындағы автобустың 22 жолаушысын вокзалға жеткізіп салған. Өйткені ол автобус вокзалға 30 шақырым жетпей сынып қалған.