“Беті былқ еткен жоқ”. Ақышев “пенсиямыздың” талан-таражға түскенін неге жасырды?
Зейнетақы қорына қатысты дауды зерттеп-зерделеп отырған едік. Мына бір ақпарды көзіміз шалды. Өзіміздің сайтта жарияланған екен. Оқылмаған. Әдепкі есеп беру өйткені.
Өткен жылдың қыркүйек айында Мәжілістің жалпы отырысында есеп берген Ұлттық банк төрағасы Данияр Ақышев депутаттардың алдында Бiрыңғай жинақтаушы зейнетақы қорының қаражаты тиiмдi жұмсалып жатқанына сендiрген болатын.
— Былтыр Бiрыңғай жинақтаушы зейнетақы қорының қаражатын инвестициялау бойынша шешiм қабылдау процесiне айтарлықтай өзгерiстер енгiзiлдi. Инвестициялаудың негiзгi бағыттарын қазiр Мемлекет басшысы басқаратын Ұлттық қорды басқару кеңесi ұсынады. Яғни, зейнетақы қорының қаражаты қайда бағытталатынына қатысты негiзгi шешiмдердi осындай деңгейге шығарамыз. Тиiсiнше бұл мәселеге үлкен жауапкершiлiкпен қараймыз. Бiрiншi кезекте, қаржының сақталуы, салымның сенiмдiлiгi қамтамасыз етiледi. Одан кейiн барып салынған қаражаттың табыс әкелуiне көңiл бөлемiз, — деген Данияр Ақышев.
«Екiншiден, қазiргi ставкалар нарықтық көрсеткiшке жақын, тiптi кейде жоғары. Тиiсiнше бұл Бiрыңғай жинақтаушы зейнетақы қорының жоғары табыстылығын қамтамасыз етедi. 2016 жылдың бiрiншi жартыжылдығында қордың табысы инфляция деңгейiн айтарлықтай басып озды. Ақшаны қайтару мәселесiне келсек, қазiргi уақытта барлық инвестиция сенiмдi. Бүгiнде зейнетақы активтерiн басқару саясаты тиiмдi деп есептеймiн», — деген еді Ұлттық банк төрағасы.
Ал қорға қатысты қазіргі дау Ақышев өтірік айтқанын көрсетіп отыр. Қазақ мұндайда “беті былқ еткен жоқ” дейді. Беті былқ етпей, елдің алдында әдемі есеп беретіндер біздің билікте толып жүр…
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе