Көкшетауда сүйіктісінің ақшасын ұрлап алған қыз ұсталды.
Бұл туралы Ақмола облыстық сотының баспасөз қызметі хабарлады.
Ақмола облысында 20-қарашада 32 жастағы жігіт полиция бөлімшесіне келіп, 180 мың теңгесінің ұрланғаны жайлы арыз жазған. Ол үйіне біреулердің кіріп, ақшаны алып кеткенін мәлімдеген.
Жедел уәкілдер ақшаны жәбірленушінің 29 жастағы сүйіктісі ұрлағанын анықтаған. Сөйтсек, оның да пәтер кілті болыпты. Күдікті ақшаны ұрлағанын мойындап, қарызын өтеу үшін алғанын мәлімдеген.
Қазіргі уақытта осы дерек бойынша ҚР Қылмыстық кодексінің 188-бабының 1-бөлігі бойынша қылмыстық іс қозғалып, тергеу жүргізіліп жатыр.