Батыс Қазақстанда отқа оранған жанар-жағармай бекетінің қожайыны 7 жылға сотталуы мүмкін
Бір жарым айға созылған тергеу Ақсай қаласындағы жанар-жағармай бекетіндегі төтенше жағдайдың кәдімгі газ балонының кесірінен болғанын анықтады.
Ал бекеттің өзінен ешбір техникалық ақау табылмаған деп хабарлады КТК телеарнасы.
Оқиға тамыз айының басында Ақсай қаласында болған еді. Шағын шаһардың кіре берісінде орналасқан жекеменшік жанармай бекеті алдымен отқа оранып, кейін жойқын жарылыс болды. Салдарынан бекеттің бір жұмысшысы мен Қарақұдық ауылдық аймағы әкімдігінің жүргізушісі ажал құшқан.
ҚР Қылмыстық кодекстің екі бірдей бабы бойынша тергеу басталып, қайғылы жағдайға қызметкерлер бөлмесіндегі пропан балоны себеп делініп отыр. Қауіпті аумақта газ балонын заңсыз пайдаланылғаны дәлелденсе, бекет қожайыны 7 жылға сотталуы мүмкін.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз