Батыс Қазақстан облысы Бөрлі аудандық ішкі істер бөлімінің уақытша тергеу абақтысынан екі тұтқын қашып кетті.
Қашып кеткендер – 1991 жылы туған Г.Шестопалов пен 1996 жылы туған П.Черный. Олар түнгі сағат 02:30 шамасында мекеменің апаттық жағдайға арналған бөлігі арқылы қашып кеткен.
Осыған байланысты қазір Қылмыстық кодекстің 426-бабы бойынша сотқа дейінгі тергеу шаралары басталды.
Шестопалов бүгін Ақсай қаласындағы №10 шағынаудан аумағында қолға түсті. Ал Черныйға іздеу жарияланды.