Астаналық Алмагүл Құсайынова Алматыда баспасөз жиынын өткізіп, бастығым зорлады деп мәлімдеді, деп хабарлады nur.kz.
Былай болған екен: 14 мамырда, медбикелер күні мерекесіне орай ұйымдастырылған «корпоративка» кешінен кейін (Алмагүл стамотологиялық клиника желісінің бір филиалында басқарушы болып жұмыс істейді) клиниканың бастығы оны үйіне дейін шығарып салмақ болған.
Құсайынованың айтуынша, сол түні оны сол саябақта бастығы екі рет зорлаған.
Алмагүлдің қашуына еш мүмкіндік болмаған екен.
«Мені итеріп, жерге құлатты. Биік өкшемен қаша алмадым. Одан мұндайды еш күтпеген едім, өйткені ол
ұжымда тәртіпті адам, әйелі мен бала-шағасына берік, ораза ұстап, намаз оқитын кісі ретінде сыйлы болатын.
Сол түні ол басқа адам болып шыға келді»,
– дейді Алмагүл.
«Сол түні арыз жазуға батпадым, жұмысымнан айырылғым келмеді. Күйеуім қайтыс болған, қызымды жалғыз өзім асырап келемін. Пәтерімнің несиесін де төлеуім керек. Бірақ қазір жұмыста маған қысым жасалуда. Ол жұмыстағы жұрттың бәріне “мен оны зорламадым, бәрі келісіммен болған”, деп жар салыпты. Ол мені зорлап жатып, мен сияқтылардың талайын зорлағанын айтты»,
– деді Алмагүл Құсайынова.
https://kaz.365info.kz/aza-stan-arnasy-yz-zorla-an-zhigitti-efirge-shy-ardy-235937
Аян Мырзабек