“Басқа камераға ауыстырсын!”. Мамай өз өмірі үшін алаңдайды

Бұған дейін «Саяси қалам. Трибуна» газетінің журналисі Инга Иманбай өзінің Facebook’тағы парақшасында Мамайдың адвокатқа жазған өтінішінің көшірмесін жариялаған еді. Онда ол өз өміріне алаңдайтынын, өзін басқа камераға ауыстыруын сұрайтынын жазған.

Мекеме басшысы Бақытжан Баймағамбетов күдіктіге қысым жасалды дегенді жоққа шығарды. Бірақ журналистің басқа камераға ауысуды қалайтынын растап, оның өтініші қаралып жатқанын айтты.

28 жастағы Жанболат Мамай 10 ақпанда ұсталды. Медеу аудандық соты оны 10 сәуірге дейін қамауда ұстау туралы шешім шығарды. Тергеу нұсқасы бойынша, ол заңсыз ақшаны заңдастырған делінеді. Мамай өзіне келтірілген айыптарды жоққа шығарып, бұның бәрін өзінің газетін жабу үшін жасалған әрекет деп бағалады.