Бас прокурор Мақсат Үсеновті мысалға келтірді
Елдің бас прокуроры Жақып Асанов ауыр жол апатына себепкер болса да, қылмыстық жауапкершіліктен құтылып кеткен атышулы Мақсат Үсенов ісіне де қатысты жауап беруге мәжбүр болды, деп хабарлайды Zakon.kz.
«Ия, ешбір елде мінсіз заң болмайды. Өмірдің өзі кез-келген заңнан ақылды. Заң дегеніміз – бітімнен туындайды. Естеріңізде болса, 2-3 жыл бұрын бір байдың желіккен баласы ауыр жол апатына себеп болды (Мақсат Үсенов 2013 жылы алты адамды қағып кеткен, бір адам қаза тапты). Адам өлді, тағы біразы жарақат алды, туған-туыстары кешірім берді. Сонымен қылмыстық іс тоқтады. Неге тоқтатылды? Өйткені ҚР ҚК 68-ші бабы бұл істі тоқтатуға міндеттейтін. Бірақ онымен қоғам келіспеді. Қоғам ашуланды. Нәтижесінде парламент осы 68-ші бапты өзгертті.
Егер «әлгі тип» (Мақсат Үсенов) сол қылмысын бүгін жасағанда, түрмеге отыратыны анық»,
— деді бас прокурор.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе