Мұхтар Әбілязовқа қатысты тергеу жұмысары аяқталды. Енді қылмыстық іс материалдарымен танысудың басталады.
«2018 жылдың 17 тамызында Әбілязовтің әрекеті ҚР Қылмыстық кодексінің 28-бабы 3-тармағы, 96 бабының 2 тармағы «ж, з» тармақшалары бойынша сараланды. Қазақстан Республикасының Бас прокуратурасы Қылмыстық-процестік кодексінің 294-бабына сәйкес, күдікті Әбілязов пен оның қорғаушыларына тергеу іс-қимылдары өндірісінің аяқталғанын және қылмыстық іс материалдарымен танысудың басталғанын хабарлайды», – делінген таратылған ақпаратта.
Заңға сәйкес, күдіктінің немесе оның қорғаушысының өтінуі бойынша олар істің материалдарымен бірге немесе бөлек таныса алады.
Іске қатысты кез келген мәліметті көшіріп алуға, құжаттардың көшірмелерін суретке түсіріп алуға, оның ішінде ғылыми-техникалық құралдарды пайдалануға болады. Бұл тек мемлекеттік құпияларды немесе заңмен қорғалатын өзге де құпияны қамтитын мәліметтерге қатысты емес.
Дереккөз: stan.kz