“Бас қатып кетті…”. Қайрат Жолдыбаев орамал дауына қатысты ащы шындықты айтты
Белгілі исламтанушы, ғалым Қайрат Жолдыбайұлы елдегі “орамал дауына” қатысты пікір білдірді, деп жазады kaz.365info.kz автордың фэйсбуктағы жазбасына сілтеме жасап.
“Орамал тағу діни парыз. Бұған теологиялық тұрғыдан ешкімнің таласы жоқ. Кімдерге? Балиғат жасына (14 жас) жеткен қыздарға. Ендеше, әлі балиғат жасына жетпеген кішкентай бүлдіршіндерге орамал тақтырып қоғамды дүрліктіру дұрыс емес. Ал балиғат жасындағы діни міндетті атқарғысы келетін қыздарымызды не істейміз?
Олардың діни нанымын қайтеміз? Мәжбүрлеп шештіреміз бе? Әлде жоғарғы сынып оқушыларына рұқсат беріп, жастарына сай жарасымды етіп, арнайы киім үлгісін бекітеміз бе?
Қай жолды таңдаймыз? Жоғарғы оқу орнында оқитындарға рұқсат беріп, мектептегі жоғарғы сыныптағыларға тыйым салуымызға құқықтық қандай негіз бар? Бірыңғай форма негіз бола алады ма? Ата заңдағы наным сенім бостандығын қайда тығамыз?
Орамал мәселесі әлі талай алдымыздан шығып, әлі талай басымызды ауыртатыны сөзсіз”, – дейді ол өз жазбасында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе