“Бәрін тегін берем…”. Мына қазақ Моңғолияның 38 мың азаматын тақырға отырғызып кетіпті
Моңғолияда 40 мыңға жуық адамды сазға отырғызып кетті деп күдікке іліккен отандасымызға қазір халықаралық іздеу жарияланды.
Ол бұрын еліміздің Төтенше жағдайлар департаментінде лауазымды қызмет атқарғаны анықталды деп хабарлайды КТК арнасы.
Марат Мәженов Шығыс Қазақстан облысындағы департаментте бөлім басшысы болыпты. Оны енді зейнетке шыққан соң қаржы пирамидасын құрды деген күдікпен Интерпол іздеуде.
“2017 жылы ақпан айында Қазақстанның азаматы Марат Мәженов Моңғолия құқық қорғау огандарымен ұсталып, алаяқтықпен айналысты деген күдік тағылды. Қазіргі таңда ол кісі Моңғолиядан шығып кетті. Қазір ол қайда екенін білмейміз.
Тек Интерпол іздеп жатыр. Егер ол азамат Қазақстанның аумағында болса, біздің қазақстандық Интерпол оны ұстап, Моңғолия тарапына тапсырады”, – дейді Сыртқы істер министрлігінің ресми өкілі Айбек Смадияров.
Қазір Марат Мәженов – өзі құрған «Жи Тайм» деп аталатын компанияның директоры. Фирма қаржы пирамидасының жүйесімен жұмыс істеген көрінеді. Моңғолияның 38 мың азаматын арбауына түсіріп, олардың 16 миллион долларын жымқырды деген айып тағылған.
https://kaz.365info.kz/balam-zhokh-albina-shardarova-bireudin-otbasyn-byzdy-degenderge-zhauap-berdi-327666
Өткен жылы ұсталған жерлесімізді Моңғолияның құқық қорғау орындары биыл үйқамаққа жіберген екен. Марат Мәженов осы сәтті пайдаланып, бұл елден қашып кеткен. Күдікті төрт айдан бері табылмаған соң, Интерпол халықаралық іздеу жариялады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе