Алматы облысы Жамбыл ауданы Шиен ауылының тұрғындары полицияның немқұрайлығынан екі жылдан бері ауылымыздан тыныштық кетті дейді. Қазір мұндағы қыз-келіншектер үйде жалғыз қалғаннан қорқады.
Себебі Шиендіктердің айтуынша, ауылда жалғызбасты әйелдерді әдейі торуылдап зорлап, одан соң тонап кететін қаныпезер пайда болған деп хабарлады 31 телеарна.
2 жылдан бері ешкімге ұсталмай жүрген қарақшының басынғаны соншалық, ол Шиен ауылының тұрғыны Әйгерім есімді келіншекті бала-шағасының көзінше зорлап кетіпті.
Сұмдық жағдай түнгі сағат төрттер шамасында болған. Сол күні бетперде киген азамат есікті сырттан бұзып кірген, сөйтіп кір ысқышпен есікті іштен мықтап байлаған. Содан кейін кіре берістегі жер үстелдің жанына жантайып, өзімен ала келген арағын ішкен. Әйгерімнің оянғанын байқаған ол жүгіріп келіп, Әйгерімнің мойнынан қылқындырып бала-шағаңмен өзіңнің жаныңның амандығы керек болса тыныш жат деп ойына келгенін істепті.
ӘЙГЕРІМ, Шиен ауылының тұрғыны:
– Мен деген қанша милиция шақыртып, прокуратураға да звондадым. Әй, менің результатым не боп жатыр дегенде әне шығады, міне шығады деп телефонды алмайды звондағанда.
Шиенде учаскелік полиция пункті жоқ. Жедел шақырылған полиция алыстағы Дегерес деген ауылдан әрең жететін көрінеді. Осыны білетін қарақшы көптен бері жалғызбасты әйелдер мен үйде жалғыз қалған келіншектерді тонауды әбден әдетке айналдырды дейді ауылдықтар. Қарақшының қолтаңбасын Шиендегі біраз адам біліп қалған екен.
https://kaz.365info.kz/meni-zorlady-lajla-syltankhyzynyn-bagdarlamasyna-khyzdan-aumajtyn-khyzteke-keldi-video-311003
ФЕРУЗА БҮРКІТБАЕВА, Шиен ауылының тұрғыны:
– Отпечатка бәрі қалды. Олар қараған да жоқ. Базада ондай жоқ деп. Жүрді-жүрді, кетті, бітті. Өздерің табасыңдар деді. Все.
ӘЛФИЯ НҰРСАПАНОВА, Шиен ауылының тұрғыны:
– Милициялардың өздері айтты. Енді бұлар маскасын біреу шешеді. Сосын біреуді бауыздайды деді. Сол кезде бұлар ұсталады деді. Онда ауылда осы біреудің өлгенін күтіп отырайық енді.
Дегерестегі жауапты учаскелік полицейлерді жұмыс орнынан таппадық. Алматы облыстық полициясы Шиен мәселесі назарсыз қалмайтынын айтты.
https://kaz.365info.kz/iliyas-meni-zorlady-ma-ykhpaj-khaldym-294279
КӨБЕЙХАН НҰРАХМЕТ, Алматы облыстық ІІД баспасөз хатшысы:
– Жамбыл аудандық ішкі істер бөлімінің басшылығы Шиен ауылына жіберілді. Қазір бүкіл қылмыстық істер ашылмаған зорлық болсын, ұрлық болсын қазіргі кезде облыстық департаменттің бақылауында.
Жыл басынан бері Шиен ауылында тоғыз қылмыстық іс тіркеліп, оның жартысы ашылыпты. Ал ауылдықтар бұл қылмыстардың артында бір ақ адам тұр ма деп күдіктенеді.