Нұр-Сұлтан
Қазір
4
Ертең
6
USD
427
0.00
EUR
497
0.00
RUB
6.04
0.00

Бақыт Сұлтанов бюджет қаржысын игермей отырған министрліктерді атады

«Республикалық бюджеттің шығыстары 6 трлн. 277 млрд. теңгені құрады. Өткен жылдың осындай кезеңімен салыстырғанда бюджеттік тәртіп жақсарды. Атқарылмағаны – 91 млрд. теңге, оның ішінде бюджет қаражатының үнемделуі – 10,3 млрд. теңге. Игерілмеу сомасы – 80,7 млрд. теңге. Бұл 2017 жылдың 8 айындағы көрсеткішке қарағанда 21 млрд. теңгеге аз», – деді ол.

Сұлтанов ең көп игерілмеу сомаларын көрсетіп отырған ведомстволарды атады: Қорғаныс министрлігі – 15 млрд. теңге; Мәдениет және спорт министрлігі – 11 млрд. теңге; Ауыл шаруашылығы министрлігі – 11 млрд. теңге; Ішкі істер министрлігі – 9,5 млрд. теңге; Ақпарат және коммуникациялар министрлігі – 5,7 млрд. теңге.

«Алдында баяндағанымыздай игерілмеу сомасының бір бөлігі бюджетті нақтылау кезінде қайта бөлінетін болады. Жергілікті бюджеттер шығыстары 3 трлн. 74 млрд. теңгені құрады. Атқарылмағаны – 69,6 млрд. теңге. Бұл көрсеткіш өткен жылдың ұқсас кезеңімен салыстырғанда біраз жақсарды, былтыр 104 млрд. теңге болған. Есепті кезеңде өңірлерге 448,8 млрд. теңге нысаналы трансферттер бөлінді. Олар жергілікті деңгейде 94,5% немесе 423,9 млрд. теңге игерілді. 24,9 млрд. теңге атқарылмады, оның ішінде 2,4 млрд. теңге – бюджет қаражатын үнемдеу. 22,5 млрд. теңге игерілген жоқ, ол өткен жылдың ұқсас кезеңіндегі игерілмеу сомасынан 44,6%-ке аз», – деп мәлімдеді Сұлтанов.

Ол бюджет қаржысын толық және сапалы орындау үшін барлық жағдай жасалғанын атап өтті.

«Сіздің тапсырмаңызға сәйкес, жақын арада ағымдағы жылдың бюджетін нақтылау туралы ұсыныстар республикалық бюджет есебінен және Үкіметтің қарауына ұсынылатын болады. Парламентте келесі үш жылдық кезеңге арналған республикалық бюджет жобасы қаралуда және ол туралы барлық объектіге қатысты республикалық комиссияның шешімдері бар. Ағымдағы сатып алу процестерін бастауға барлық жағдай жасалған. Сол үшін орталық және жергілікті атқарушы органдар бірлесіп, тезірек пысықтау қажет», – деп сөзін түйіндеді Қаржы министрі.

Үкімет басшысы Бақытжан Сағынтаев министр айтқан ұсыныстарды қолдайтынын айтты.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз