Нұр-Сұлтан
Қазір
20
Ертең
19
USD
428
0.00
EUR
520
0.00
RUB
5.96
0.00

«Байығанда хабарлас!». Қостанайлық келіншек «төтеншеліктерге» неге өкпелі?

20 жастағы Татьяна Лавренева 25-ақпанда құрбысының үйіне қонаққа барады. Сөйтіп, 4 жастағы науқас қызымен бәрі бірге дүкенге бет алған. Үйіне қайтып бара жатқанда, келіншек пәтерінің кілтін жоғалтқанын түсінеді. Қызы үйге қайтқысы келіп, әрі дәрісін беретін уақыт болған екен.

Татьяна көршілерінен 112 нөміріне хабарласып, болған жайтты түсіндіріп, көмек сұрайды.

https://kaz.365info.kz/ole-khal-khostanajda-ashynasyn-baskhaga-khimagan-er-adam-auyr-khylmyskha-bardy-295977

“Үйде біреу бар ма деп сұрады, ешкім жоқ екенін білгенде, ешқандай көмек бере алмаймыз деп, басқа нөмірге хабарласуға кеңес берді. Ол жер де бізді тыңдап, осындай проблеманы шешетін жеке меншік компанияға жөн сілтеді”, — дейді Татьяна.

Фирма бұл қызмет көрсетудің 8-10 мың теңгедей тұратынын айтыпты. Бірақ Татьянаның қолында ондай ақшасы болмаған.

“Сол кезде бізге “байыған кезде хабарласыңдар” деп тұтқаны қоя салды”, —

деп еске алады Татьяна.

Татьяна екінші қабаттағы пәтеріне газ құбырымен шықпақ болады, бірақ қолы тайып кетіп, подъездің күнқағарына құлап түсіпті. Сонда да алған бетінен қайтпай, подъездің терезесі арқылы балконға кіріп, есікті ішінен ашқан.

Құлағаннан бері Татьянаның белі мен мойыны ауырсынып жүр екен.

“Газет-журналдарда мақтап жазып жүрген Төтенше жағдайлар қызметі көмектесудің орнына, жеке меншік компанияға жібергеніне ішің ашиды.

Олар болса екінің бірі төлей алмайтын соманы сұрайды. Қатты көңілім қалды”, — деп налиды қыз.

https://kaz.365info.kz/myna-khostanajlykh-politsejdin-seksualdy-sureti-zhelige-tarap-shu-boldy-foto-302705

Қостанай облысы Төтенше жағдайлар жөніндегі департаментінің басшысы Талғат Кәкімов бұл оқиғаны естіп, қызметкерлері үшін кешірім сұрады.

“Бізге есік ашып бер деп хабарласатындар көп. Мас адамдар да қоңырау шалып жатады. Сондай болмашы өтініштің бәріне бара берсек,

шын мәнісінде, қиын жағдайға тап болған адамдарды құтқарып, өмірлеріне араша түсе алмай қалуымыз мүмкін”,

— дейді Талғат Кәкімов.

Ведомство басшысы атап өткендей, мұндай қоңыраулар күніне он мәрте түсіп тұрады екен.

 

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз