Нұр-Сұлтан
Қазір
4
Ертең
2
USD
426
-0.19
EUR
496
-1.93
RUB
6
-0.02

“Байбек айтпаса не болар еді?”. Қызылорданың қызы ұялғанынан қазақша сөйледі

Алматылықтар мен қонақтарды Наурыз мерекесімен құттықтаған қала әкімі  Бауыржан Байбектің  сөзі мәнді де, маңызды болды.  Астана алаңындағы мерекелік басты сөзін тек мемлекеттік тілде сөйлеген  Алматы әкімі  Алатау ауданындағы Атлеттер аулына да келіп,  елді құттықтады.

Талай жыл пәтер кезегінде тұрғандармен қатар таяуда дүрілдеп өткен Дүниежүзілік  Студенттер Универсиадасы билеттеріне ойналған лотореяда  пәтер ұтып алғандар да, «Универсиада мұрасы» аясында әкім қолынан пәтер кілтін алып, бақытқа кенелді.

Осындай билеттердің бірін ұтып алып, екі бөлмелі пәтерге ие болған Жұлдыз есімді алматылық өз қуанышын Ресей тілінде жеткізді.  Алматы қаласының әкімі Бауыржан Байбек Жұлдыздан:

– Алматыда тұрасың ба?-деп қазақ тілінде сұрады.

– Иә, тәтеммен бірге тұрамын.

– Қай жақтан келдің?

– Қызылордадан келгенмін екі жыл бұрын.

Алматының әкімі  қазақша сөйлеп тұрғасын, 99 пайыз қазақ тұратын Қызылордадан келген Жұлдыз ұялып қалды-ау деймін,  тілі  бұл жолы қазақша шықты…

– Қайда істейсің?

– Банкте.

– Пәтерің құтты болсын!  Бірақ қазақ тілінде сөйлеу керек. Барлық  кезде қазақ тілінде сөйлеп үйреніңдер.  Оның үстіне бүгін Ұлыстың Ұлы күні Наурыз мерекесін тойлап жатырмыз.

Ұялып қалған Жұлдыз «жарайды» деп келісімін берді.

Алаңға жиналған  елдің бәрі Бауыржан Байбекке қатты риза болып, қуана қол соқты.

Міне, Тәуелсіз Қазақстанның  ұлттық мүддені – мемлекеттік мүддені ойлайтын, ойлап қана қоймай, іске асыратын іскер де, білікті әкімі! Міне, ел болашағы осындай  сарабдал саясаткерлерде!

Құдай  мемлекеттік тілде сөйлеуді елден талап етпек түгілі, өздері қазақша сөйлеуден  бас тартатын министрлер мен елшілерден, шекесі тар шенеуніктерден сақтасын!  Бірақ олардың күні өтіп бара жатқаны күнде сезіле  бастады қазір… Құдайға шүкір!

Ұлыстың Ұлы күні құтты болсын!

Қазыбек ИСА

qazaquni.kz

Серіктестер жаңалықтары
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз