Бұл қалай? Бас прокурорға әріптестері қысым көрсетпек болыпты
Бас прокуратура өзіндік қауіпсіздік бөлімшесінің жұмысын күшейтуді көздеп отыр.
Бұл туралы Sputnik Қазақстан хабарлайды.
“Біз барлық қызметкерлерді “екілік” пен “озаттарға” бөлетін боламыз. “Екіліктерден” біз арылуға тиіспіз, олардың жүйеде болуы бізге тым қымбатқа түседі”, — деді Асанов Бас прокуратураның алқалы отырысында.
“Біз қазір бұл бөлімшені (өзіндік қауіпсіздік – ред.) күшейтетін боламыз. Бөлімше құрылымында істерді тергеумен айналысатын арнайы прокурорлар болады. Өкінішке қарай, ішкі қауіпсіздік басқармасында бес мың қызметкерге бар болғаны бес адам ғана жұмыс істейді екен. Ол жерде олар 40 және 50 болуы керек шығар. Мемлекет пен жүйе бұдан тек жеңетін болады”, — деп атап өтті Асанов.
Бас прокурор кадрлар департаментіне таныстары арқылы қысым көрсетуге тырысатындардың тізімін құруға кеңес берді.
“Мен өзім үшін (тізімді – ред) жасап қойдым. Облыстардың екі прокуроры маған қысым көрсетпек болды, оларды жайына қалтыруым үшін. Мен мұны еш қалжыңсыз айтып отырмын. Оларға қиындықтар туындайды. Бұны тоқтату керек”, – дейді Асанов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе