Биыл 10-қаңтарда құқықтық тәртіп әскерінің құрылғанына 25 жыл толады.
ҚР Ішкі істер министрлігінің ішкі әскерлерінің заңды мұрагері болып табылатын ҚР Ұлттық ұланы осы 25 жылдық мерейлі мерекеге орай Елорда төрінде бірқатар шараларды ұйымдастырып, өткізетіндігін хабарлады.
Осы күні Ұлттық ұланның Астана қаласындағы №6636 әскери бөлімінде 187 жас сарбаз салтанатты түрде Әскери ант қабылдайтын болады.
10 қаңтар күні Ант қабылдау рәсімі келесі мекенжайда өтеді: № 6636 әскери бөлімі – басталуы сағат 10.00-де, Досмұханбетұлы көшесі, 2-үй
(бұрынғы Чугунка ауданы, облыстық МАИ).
Сондай-ақ 10 қаңтар күні сағат 19.00-де Орталық «Қазақстан» концерт залында Ұлттық ұлан Ән-би ансамблі мен оркестрінің Қазақстан Республикасы Ұлттық ұланының 25 жылдығына арналған гала-концерт өтеді.