Әзідбайжандық қылмыскер Щучинскіде ұсталды
Грузия мен Әзірбайжан аймағында қылмыс жасаған ұрыны қазақстандық құқық қорғау органдары ұстады, – деп хабарлады ІІМ өкілі Алмас Сәдубаев.
Оны Щучинск қаласындағы бір қонақүйде Ақмола облысының ІІМ, ҰҚК,ІІД қызметкерлері ұстады деп хабарланды. ІІМ өкілдерінің айтуынша, ер адам өзін “заңдағы ұрылар” (“воры в законе”) кастасына жатқызады екен.
Сонымен қатар, ол Грузия мен Әзірбайжан аймағында қылмыс жасаған.
“Қамауға алынған ер адамнан тапанша, граната және есірткі заттары тәркіленді. Ол Қазақстанға Тбилисиден келген. Алдын ала ақпарат бойынша, ол Әзірбайжан диаспорасындағы кәсіпкерлерді бопсалаумен айналысуды жоспарлаған. Кәсіпкерлердің туыстары Грузия мен Әзірбайжан Республикасында тұрады”, – деп хабарлады Сәдубаев.
Ұсталған ер адам уақытша ұстау абақтысына қамалды. Қазіргі таңда тергеу жүріп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе