Қазақстанда кеше істен шыққан әлеуметтік желілер қайтадан жұмыс істей бастады
16-желтоқсанда әлеуметтік желілердің істен шығуына техникалық ақаулар себеп болған.
Бұл туралы кеше кешкісін ҚР Ақпарат және коммуникациялар министрлігінің баспасөз хатшысы Арсен Бектасов мәлім етті деп хабарлады “Интерфакс-Казахстан”.
“Қазіргі уақытта мамандар бұл олқылықты жоюмен айналысып жатыр. Жақын арада жағдай реттеліп, әлеуметтік желілер іске қосылады”, – деді Арсен Бектасов.
Соның арқасында бүгін Қазақстанда Вконтакте, Twiiter, Facebook және Youtube видеохостингінің байланысы толықтай реттеліп, қалтқысыз жұмыс істеп тұр.
Еске сала кетелік, кеше – 16-желтоқсанда шамамен кешкі 20.00 қазақстандықтар әлеуметтік желі мен іздеу жүйелеріне ене алмай қалды.
WhatsApp мессенджерін пайдаланушылар Facebook, Instagram әлеуметтік желісіне, YouTube видеохостингіне және Google іздеу желісіне ене алмай отырғандарын айтып, арыздана бастаған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе