Гуманитарлық көмек контейнерлерінде ұн, ет консервілері, күріш, макарон мен шай секілді азық-түліктер бар.
2017 жылғы 6-қаңтарда Қазақстан Республикасы Сирия Араб Республикасының халқына 500 тоннаға жуық ұн, ет консервілері, күріш, макарон мен шай түрінде гуманитарлы жәрдемін жеткізді. Бұл туралы ҚР сыртқы істер министрлігінің баспасөз қызметі хабарлады.
“Сириядағы ауқымды гуманитарлы дағдарысты есепке ала отырып, бұл елге гуманитарлы жәрдемді көрсету жөніндегі шешімді Қазақстан Республикасы Президенті Нұрсұлтан Назарбаев қабылдады”, — деді Бердібай.
Бұл Қазақстанның Сирия халқына көрсетіп жатқан тұңғыш көмегі емес. 2012 жылы босқындар лагерлерінде орналасқан сириялықтарға гуманитарлы жәрдем ретінде Ислам Ынтымақтастығы Ұйымы арқылы Қазақстан Иордания мен Ливан үкіметтеріне 400 мың АҚШ долларын бөлген.
Сондай-ақ, 2015 жылғы қазанда Астанада өткен сириялық оппозиция өкілдері арасындағы келіссөздерден кейін Түркия-Сирия шекарасында шоғырланған сириялық босқындарға фармацевтикалық, азық-түлік және тұрғын мәселелерін жақсарту үшін сириялық босқындарға Қазақстан 300 мың евро көлемінде гуманитарлы жәрдем беруі туралы Меморандумға қол қойылған.