Қазақстан шекарасын бір тәулік ішінде 97 адам бұзды
Өткен тәулік ішінде қазақстандық шекарашылар кең-байтақ еліміздің мемлекеттік шекарасының әр өңіріндегі бөліктерінен әкімшілік сипаттағы заңнамамызды бұзған 97 азаматты ұстады.
Бұл туралы ҚР Ұлттық қауіпсіздік комитеті шекара қызметінің баспасөз қызметі хабарлады.
Оның ішінде үш азамат – Қазақстан, Өзбекстан және Қытай азаматтары шекаралық режимді бұзғандары үшін ұсталды. Тағы үш азаматтың еліміздің аумақтық және ішкі суларындағы (теңіз) режимді бұзғандықтары анықталды.
Еліміздің көші-қон заңын бұзған шетелдік азаматтар да шекарашылар назарынан тыс қалмады. Жалпы саны 87 шетелдік азаматтың 14-і Ресей, 47-і Өзбекстан, 9-ы Қырғызстан, 8-і Тәжікстан, 3-і Түркия, 2-і Әзірбайжан, 1 адамнан Үндістан, Қытай, Беларусь және Ұлыбритания мемлекеттерінің азаматтары болып шықты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе