Аягөз қаласында алапат өрт ауыздықталды.
Бұл туралы Шығыс Қазақстан облысы Төтенше жағдайлар департаментінің баспасөз қызметі хабарлады.
Түнде Шығыс Қазақстан облысы Аягөз қаласында екіқабатты тұрғын үй өртке оранды. 7 пәтер өртеніп, тұрғын үйдің шатыры жарамсыз болып қалды.
Түнде өртке оранған тұрғын үйдің адамдары сыртқа шығарылды. Жергілікті билік өкілдері адамдары уақытша орналастыратын жер тағайындады. Алайда адамдар бұл көмектен бас тартып, туған-туысқандарының үйіне тарқасқан. Зардап шеккен және кісі өлімі фактісі тіркелмеді.
Өртті сөндіруге 3 техника, 20 өрт сөндіруші және №36130 әскери бөлімінің сарбаздары тартылған.