Автобус қағып өлтірген қыздың туыстары жүргізушіге кешірім берді
Алматыда “Сайран” вокзалы маңында қызды қағып өлтірген автобус жүргізушісі Әнуар Жәнібековтің адвокаты айтқандай, қорғалушысы марқұмның отбасына өтемақы төлеген.
Бұл туралы Sputnik.kz хабарлады.
“Айыбын мойындады. Шын көңілден өкінеді. Қазір біз жәбірленуші жақпен бітімге келдік, бас бостандығынан айырмайтын жаза тағайындалғанын қалаймыз. Келтірілген шығынның орнын өтедік”, — деді адвокат Әлім Мұстапаев сотта тілшілерге.
Сот отырысы айыпталушыны уақытылы жеткізбеген соң кейінге қалдырылды.
https://kaz.365info.kz/senin-ajganymyn-dedi-avtobus-khakhkhan-khyzdyn-gashygy-khoshtasu-sozin-zhariyalady-foto-311898
Автобус жүргізушісіне ҚР ҚК 345-бабы бойынша айып тағылған.
Жол апаты биыл 18 сәуірде Төле би және Өтеген батыр көшелерінің қиылысында болған. 126-шы бағдарлы автобус қиылыста жолдан өте бастаған қызды қағып кетті. Ол алған жарақатынан оқиға орнында қаза тапқан.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе