Лаңкестік әрекет жасады деген күдікке ілінген азамат Түркиядан Атырауға жеткізілді. Ұлттық қауіпсіздік комитеті мен Бас прокуратура қызметкерлері енді Елдос Күншығаровты қылмыстық жауапкершілікке тартпақ.
Бұл туралы КТК арнасы хабарлайды.
Бас прокуратура таратқан мәліметке қарағанда, Күншығаровтың 2011 жылдың қазан айында Атырау қаласында болған лаңкестік әрекетке қатысы бар болуы мүмкін. Осы оқиғадан кейін күдіктіге халықаралық іздеу жарияланған еді. Қазір ол Атырау қаласындағы тергеу абақтысында отыр. Енді сотқа дейінгі тергеп-тексеру жұмыстары басталмақ.