Атырау қаласында кафеде травматикалық тапаншадан оқ атқан адам қамауға алынды.
Бұл туралы Атырау қалалық сотының баспасөз қызметі хабарлады.
2017 жылдың 30-сәуірінде сағат 00:19 шамасында «Kaiser» кафесінде екі ер адам демалып, сауық құрып отырған сәтінде біреуінің танысы кездесіп, сөйлесіп тұрып қалады. Масайған досының әңгімесін бөліп, ер адам оны алып кетпекші болған, алайда бұған танысы қарсы болады. Сөзге келісіп қалған азамат күртешесінен травматматикалық тапаншаны алып, досының танысының мойынынан және арқасынан екі рет оқ атып, оқиға орнынан бой тасалаған.