Атырауда екі бала лифт шахтасына құлап көз жұмған үйдің тұрғындары оқиғаның қалай болғанын айтты
Атырауда жасөспірімдер лифт шахтасына құлап көз жұмған үйдің тұрғындары оқиғаны мән-жайын айтып берді. Әйелдердің сөзінше, шақырылған жедел-жәрдем ұзақ күттірген.
Бұл туралы Stan.kz хабарлайды.
Әйелдердің бірінің сөзінше, қайғылы жағдай орын алған кезде, олар бірден жедел жәрдем шақырған.
«Біз бәріне хабарласа бастадық. Жедел жәрдем шақырдық. Желілердің барлығы бос болмады. Әкесі көмекке шақырып айқайлады. Баланың жүрегі соғып тұрған. Мұнан кейін жедел жәрдем келді», – дейді әйел.
«Жедел жәрдем кеш келді. 15-20 минут күттік. Оны зеңбілге салып алып кетті. Іші ашық болған. Қан болған сияқты», – дейді тұрғындардың бірі.
Алайда Атырау облысы бойынша денсаулық сақтау басқармасының баспасөз қызметі Алмагүл шағын ауданы мекен жайы бойынша қоңырау сағат 22:22-де түскенін мәлімдеді.
«Жедел жәрдем дәрігерлері оқиға орнына келген кезде, зардап шеккендердің бірі қайтыс болып кеткен. Дәрігерлер тек өлім жағдайын тіркеді. Ал зардап шеккен екінші ұл бала бас сүйек-мидың жабық жарақатын алып, омыртқасының мойын жақ бөлігі сынған. Сондай-ақ, комаға түскен. Ол Атырау облыстық ауруханасына жеткізілді. Алайда сағат 00:50-де қайтыс болды», – дейді денсаулық сақтау басқармасындағылар.
https://kaz.365info.kz/atyrauda-eki-bala-lift-shahtasyna-khylap-koz-zhymdy-316024
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе