Атырауда аудандық ішкі істер басқармасы басшысының орынбасары қамауға алынды
Ұсталған – екі лауазымды тұлға.
Бұл туралы Атырау қаласының №2 сотының баспасөз қызметі хабарлады.
Сотқа дейінгі тергеу органымен Құрманғазы аудандық ішкі істер басқармасы басшысының орынбасары, сонымен қатар әкімшілік полиция басқармасының басшысы М.А.-ға қатысты ҚР Қылмыстық кодексінің 362-бабы 4-бөлігінің 3-тармақтарымен қылмыстық іс қозғалды. Олар қызмет бабы немесе лауазымдық өкiлеттiктерін асыра пайдаланып, өзi немесе басқа адамдар мен ұйымдар пайдасына артықшылық жасау және басқа адамдарға немесе ұйымдарға зиян келтiру мақсатында іс-әрекеттер жасады деп күдікке ілінеді.
Атырау қаласының №2 сотының тергеу судьясы 2016 жылдың 8-қарашасында күдікті М.А.-ға қатысты екі айға күзетпен ұстау түріндегі бұлтартпау шарасына санкция берді.
Аталған қылмыстық іс бойынша толық деректер тергеу мүддесі үшін хабарланбайды.
Тергеу амалдары жалғасуда.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз