Атырауда қайтыс болған адамдарға да жер телімдері берілгені анықталды

14 қантар 2017, 16:30

Құжат қабылдаған мамандар бұны біле тұра, арнайы құжат рәсімдеп қасақана қылмысқа барған. Заң бұзушылыққа жол берген тұлғалар жауапқа тартылып, жер телімі мемлекет меншігіне қайтарылды.

Қазір прокуратура Атырау қаласы бойынша жерді заңсыз беруге қатысты жіті тексеру жүргізіп жатыр.

Ерлан Кәкиев, қалалық прокуратураның, әлеуметтік-экономикалық саладағы заңдылықты қадағалау бөлімінің прокуроры:

– Қалалық әкімдіктің лауазымды тұлғалары аталған мән-жайға назар аудармай 2013 жылы қайтыс болған азаматың атына 2015 жылдың ақпан айындағы қаулымен жер учаскесін табыстауға жол берген. Аталған заң бұзушылық фактысы бойынша қала әкімінің атына заң бұзушылықты жою туралы ұсыныс енгізіліп, нәтижесінде жер учаскесін мемлекет қорына қайтару шаралары алынды.