Швецияның Бурлэнге қаласында діни нанымы жоқ адамдарды жерлеуге арналған зират ашылды.
Атеистерге арналған зират ашылды
Бұл туралы islam.kz сайты хабарлады.
Мұндай зираттың ашылуына Джозеф Эрдем (Josef Erdem) есімді қарапайым ұстаз мұрындық болған. Ол мұны адамдар көктасы қандай болуы керектігін өздері шешкені дұрыс деген пікірімен түсіндірді. Осындай ұсыныспен азамат Швецияның ірі христиан шіркеуіне жүгініп, сол жақтан қолдау тапқан.
Хабарламада айтылғандай, зират маңында діни белгілері бар ескерткіштер орнатылмақ, алайда, зираттың өзі діни нанымнан аулақ болғанды қалайды. Әзірге мола бос, бірақ, учаске сатып алу үшін бірнеше адам қызығушылық білдірген.
2015 жылғы статистикаға сенсек, Швеция дінсіздер саны жағынан Қытайға жол беріп, әлем бойынша екінші орынға тұрақтаған еді. Gallup International мен WI Network of Market Research агенттіктері жүргізген сауалнамаға қатысқандардың 76%-ы атеист екендерін айтқан.
2016 жылдың мамырында АҚШ-тың Майами университетінде атеизмді зерттеумен айналысатнын арнайы кафедра ашылғаны хабарланды. Осы кафедраны ашуға екі миллион доллардан аса қаржыны 83 жастағы бизнесмен Луи Аппиджиан аударыпты.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз