Астананы тағы да су басты
Елордамыз Астананы жауын-шашын салдарынан тағы да су басты. Әлеуметтік желі қолданушылары су басқан көшелер мен жолдарды видеоға түсіріп, жарыса бөлісіп жатыр, деп хабарлайды Stan.kz ақпарат агенттігі.
Желіде тараған видеолардың бірінде үлкен көшелердің бірін су басып, көлік қозғалысы қиындағаны байқалады. Тіпті, кей тұрғындардың үрлемелі қайықпен жүзіп бара жатқанын көруге болады.
«Су басуы мүмкін делінген аумақтарды жауапты коммуналдық қызметтер тәуліктік тәртіпте жұмыс істеп жатыр. Жақын арада су басу салдары жойылатын болады», – дейді орталықтағылар.
Ал қала тұрғындары Астананы жауын салдарынан жиі су басқанына ашулануда.
“Таяуда көліктің орнына катер мен моторлы қайықтармен жүзетін болармыз”, “Тамаша. Италияға барудың қажеті де жоқ. Ендігі көшелерге велосипедтердің орнына резеңке қайықтарды қойып қою керек шығар”, “Жыл сайын бір мәселе қайталануда” – дейді пікір қалдырушылар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе