Астанада жыл басынан бері жарнаманы заңсыз таратқан 166 адамға айыппұл салынды

Жыл басынан бастап Астана қаласында белгіленбеген орындарда жарнамалар таратып, ілгені үшін 166 заңды және жеке тұлғалар әкімшілік жауапкершілікке тартылды.

Нәтижесінде қала қазынасы айыппұл түрінде 1 500 000 теңгемен толықты

деп хабарлады Астана қаласы ІІД жергілікті полиция қызметі.

Мәселен, Астана қаласы ІІД жергілікті полиция қызметінің табиғатты қорғау полиция бөлімі жүргізген рейд кезінде А. есімді азаматтың Тәуелсіздік даңғылындағы электрмен жабдықтау бағанына хабарландыру парақшасын жапсырып жатқанда ұстады. Оған қатысты ҚР ӘҚБтК 505-бабының 1-тармағы бойынша, яғни «Қалалар мен елдi-мекендердiң аумақтарын  абаттандыру қағидаларын бұзу…» бойынша әкімшілік хаттама тіркеліп, 20 айлық есептік көрсеткіш (45 380 теңге) көлемінде айыппұл салынды.