Бүгін ҚР Премьер-Министрінің бірінші орынбасары, Жер реформасы бойынша республикалық комиссия төрағасы Бақытжан Сағынтаевтың жетекшілігімен комиссияның екінші отырысы басталды. Бұл туралы jerturaly.kz хабарлайды.
Комиссия төрағасының айтуынша, бүгінгі күні реформалар бойынша аймақтарда да қарқынды жұмыстар атқарылған. Барлық облыс орталықтары мен Астана және Алматы қалаларында отырыстар өтті.
«Кеше облыстармен селекторлық кеңес өткізіп, комиссия мен жергілікті жерлердегі қоғамдық кеңестердің қатынасына қатысты мағлұматтар бердік. Қоғамдық кеңестерге де келіп түскен ұсыныс, пікірлер жинақталады, комиссия штабына ұсынылатын болады», деді Б. Сағынтаев.