Геология және жер қойнауын пайдалану комитетінің бұрынғы басшысы Базарбай Нұрабаев 7 жарым жылға сотталды. Қызмет бабын асыра пайдаланып, пара алғаны үшін ол, осындай жаза алып отыр.
Бұл туралы КТК арнасы хабарлайды.
Нұрабаев былтыр наурыз айында пара алу сәтінде ұсталған еді.Тергеушілердің мәліметіне сүйенсек, ол Ақтөбе облысы аумағындағы 22 мұнай ұңғымасының көзін жою немесе оларды консервациялау жұмыстарына тендер ойнатып, орынбасары екеуі бір компанияға ұттырып берген. Сонысы үшін 10 мың долларды қалтаға басыпты.
“Базарбай Нұрабаевтың отбасы, талай жылғы еңбегі, мемлекеттік марапаттары ескеріліп, жасаған қылмыстарына қарастырылған жазаның төменгі мөлшері қолданылып отыр. Сонымен қатар, сот дәлелдердің жеткіліксіз болуына байланысты байланысты Нұрабаевты 2 бірдей қылмыстық жазадан ақтауға үкім етті”, деді сот.