Астана прокуратурасы Сарыарқа аудандық аға прокуроры Бауыржан Құлмағанбетов “Иегово Куәгерлері христиан қауымы” діни бірлестігінің 60 жастағы өкілі Теймур Ахмедовты алты жыл және сегіз айға соттауын сұрады. Ахмедовты діни араздық туғызды деп айыптап отыр.
Сотталушының адвокаты Наталья Кононенконың айтуынша, сот оның барлық өтінішін қайтарған.
Бұның алдында сотталушының әйелі куәлік етіп, күйеуімен кездесулерде студенттер құйтырқы сұрақтарды әдейі қойып, оның айтқандарын жазып алғанын мәлімдеді. Істе 19 дискідегі жазбалар бар. Сот оның кейбірін ғана тыңдады. Сотталушы сөздерін басып алғанын білмегенін айтты.
Сот үкімі Астанадағы Сарыарқа аудандық сотында 2 мамырда шығарылады.