Ақмола облысы Жібек жолы ауылындағы “Безымянная” бөгетінің бұзылу қаупі бар.
Ақмола облысы Жібек жолы ауылында бөгеттің бұзылу қаупіне байланысты төтенше жағдай жарияланды, – деп хабарлады өңірдің төтенше жағдайлар жөніндегі департаменті.
“Жібек жолы ауылы маңында орналасқан Есіл өзеніндегі “Безымянная” бөгетінің шлюздік және бетон конструкцияларының бұзылу қаупіне байланысты Аршалы ауданы аумағында жергілікті төтенше жағдай жарияланды”, — деп мәлімет берді облыстық төтенше жағдайлар департаменті.
Жедел қызметтер сақадай сай дайын отыр. Жібек жолы халқы да хабардар етілді.