Асқаровқа қатысты сот үкімі 10 қаңтарда шығады (фото)
Қырғызстанның Шу облысында құқық қорғаушы Азимжан Асқаровқа қатысты сот үкімі 10 қаңтарда шығады деп күтіледі. Осылай деп адам құқықтарын қорғайтын «Бир дуйно – Кыргызстан» қозғалысы хабарлады.
2016 жылдың 20 желтоқсанында тараптардың жарыссөздері аяқталған. Мемлекеттік айыптаушы соттан алдыңғы инстанциялардағы өмір бойы бас бостандығынан айыру жазасын күшінде қалдыруын сұрады.
Жалал-Абад облысы Базар-Қорған ауданында тұрған Азимжан Асқаров құқық қорғау ісімен айналысып келген. 2010 жылдың маусым оқиғасынан кейін, ол милиция қызметкерін өлтірді деген айыппен қамауға алынды. Соттың барлық инстанциялары бойынша ол өмір бойы бас бостандығынан айрылған.
2016 жылдың сәуір айында БҰҰ-ның адам құқықтарын қорғау комитеті Қырғызстан билігінен Асқаров ісін қайта қарауға шақырды. Комитет Асқаровқа шыққан үкім заңсыз деп, абақтыда оған зорлық-зомбылық көрсетіп, ауыр жағдайда ұстап отыр деп мәлімдеген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе