“Арты қарға ұласады”. Синоптиктер күннің аяқ-асты суытатынын болжады
Алдағы үш күн бойына еліміздің басым бөлігінде жауын-шашын болып, жел күшейеді. Салдарынан ауа температурасы күрт төмендейді.
Қазгидрометтің хабарлауынша, алдағы екі күнде Қызылорда облысында қатты жаңбыр жауып, арты қарға ұласады. Батыстан соққан желдің екпіні секундына 15-20 метрге жетеді. Ауа температурасы әдеттегі қалыптан 5-10 градусқа күрт төмендейді.
18-қазанда тәулік бойы, 19-қазанда түнде Оңтүстік Қазақстан облысында жаңбыр жауып, соңы қарға ауысады. Кей жерлерде қатты нөсер болуы ықтимал.
18-қазанда оңтүстік-батыстан соққан желдің екпіні секундына 15-20, кей жерлерде 23-28 метрге жетеді, ауа температурасы күндіз 5-10 градус, кей жерлерде 15 градусқа дейін төмендейді.
18-қазан күндіз және 19 қазан түнде Жамбыл облысында нөсер жауады, оңтүстік-батыстан соққан жел дауылға айналады, күндіз ауа температурасы 10-15 градус, кей жерлерде 7 градусқа дейін күрт өзгереді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз