Бұл еліміздегі ең даулы тақырыптардың бірі. Талай мәрте талқылағанбыз. Осы мәселеге қатысты пікір білдірген сарапшылар мен журналист қауымының жазбаларын да талай мәрте оқырман назарына ұсынған едік.
Блогер Еркін Әділбекұлының Фейсбуктегі “сақалдыларға” қатысты жазбасы өткір де өзекті екен. “Кімсің” деп сұрағанда ұлтын емес, алдымен дінін алға тартатындарға қатысты пікірін білдіріпті. Бұлай демей тұра қазақтың ұлы ойшылы Мәшһүр Жүсіптің бір шумақ өлеңін мысалған келтірген екен.
“Бұл нəлеттер баяғыдан бар екен ғой…” дейді блогер.
– Əйтпесе, Мəшһүр Жүсіп атамыз бекерден бұлай демесе керек-ті. Қазір “Кімсің?” деп сұрағанда ұлтын айтпай, дінін алға тартатын қазақтар тым көбейіп бара жатыр.
Шəкəрім Құдайбердіұлының:
“Қазақтың түп атасы батыр түрік,
Арабсың деген сөздің түбі шірік.
Пəленше саһабаның затысың деп,
Алдаған дін жамылған өңкей жүлік”, – дегенін тағы ұмытпайық.
Өкініштісі сол, нағыз қазақ ұлы аталарымыздың нақыл, өсиет сөздеріне емес, теке сақал “ұстаздардың” қазақтыққа мүлде жат пəтуаларына ұйитын жастардың көбейіп бара жатқанында, – деп түйіндеген екен өз сөзін блогер.