Қарағандыда мәдениет басқармасының дөрекі басшысына сөгіс жарияланды
Қарағанды облыстық мәдениет, мұрағат және құжаттар басқармасының басшысы Еркебұлан Ағымбаев дөрекілігі үшін жауапқа тартылады.
Бұл туралы ҚазАқпарат хабарлады.
«Әдеп бойынша кеңес хатшылығы Ағымбаевқа қатысты қызметтік тергеу жүргізді. Оның қызметтік этиканы бұзғаны расталды», – деді мемлекеттік қызмет істері жөніндегі департаментінің мемлекеттік қызмет саласын бақылау басқармасының бас маманы Марат Рахымжанов этика бойынша кеңес отырысында.
«Басқарма басшысы Ағымбаев Сұңғатты арсыз және ұятсыз, сонымен қатар есі дұрыс емес деп атаған», – деп атап өтті баяндамашы.
Этика бойынша кеңес мүшелері мәдениет басқармасының басшысы Әдеп кодексін бұзғанымен келісіп, оған сөгіс жариялауға ұсыныс жасады.
Ағымбаев Астанаға сапарлағандықтан, отырысқа қатыспады. Кеңес мүшелері бұған наразылық білдірді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе