Apple-нің Мәскеудегі өкілдігінің қызметкерлері «Диапазон» басылымы арқылы зардап шеккен ақтөбелік қызды іздестірген және оның туыстарымен сөйлескен.
Бұл туралы «Диапазон» газетінде жазылды.
– Таңертең бір жерге баратын болғандықтан, түнде барлық заттарымды жинастырып, дайындап қойдым. Ал түнде мені біреу итеріп жібергендей болды. Оянғанда төсегім өртеніп жатты. Өрт айфоннан шыққан, бірақ ол токқа қосылмаған еді. Қуаттандырғыш құралым өрт кезінде жанып кеткен. Маған ұялы байланыс салонының қызметкерлері келді. Болған оқиғадан пайда табуды көздеп отырған жоқпын, бар болғаны мәселенің мән-жайын анықтау қажет, – дейді Ардақ.