“Америка аулақ жүрсін!”. Иран Сирия жөніндегі Астана кездесуіне АҚШ-тың қатысуына қарсы
Иран келесі аптада Астанада өтетін Сирия жөніндегі бейбіт келіссөздерге Құрама Штаттардың қатысқанын қаламайды. Келіссөздердің тағы екі ұйымдастырушысы – Түркия мен Ресей Дональд Трамп бастаған жаңа америкалық әкімшілік осы келіссөздерде қатысуы керек деп есептейді.
“Біз оларды шақырған жоқпыз, біз олардың қатысуына қарсымыз”, – деді сейсенбі күні Иранның сыртқы істер министрі Мохаммед Джавад Зариф. Бұл туралы ирандық Tasnim ақпарат агенттігі хабарлады.
Өткен айда Сирия үкіметінің әскері Алеппо қаласының шығыс бөлігін жаулап алу арқылы ірі жеңіске жеткен соң, Ресей, Иран және Түркия бейбіт келіссөз жүргізу туралы бастама көтерді. Алеппоның шығыс бөлігі – азамат соғысы басталғалы бері бүлікшілердің негізгі шебіне айналған еді.
Иран мен Ресей Сирия президенті Башар Асад жүйесін қолдаса, Түркия сириялық бүлікшілер тобына жақтасып келеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе