Алматы полицейлері қаладағы тағы бір жөзекшелер ордасын әшкереледі. Олар Түркісіб ауданындағы пәтерлер мен көлік жөндеу орны жеңіл жүрісті қыздардың мекеніне айналғанын анықтады. Интимді қызмет көрсететін аруларға рейд жасаған тәртіп сақшылары бір түнде жын-ойнақтан 20-дан астам бойжеткенді шығарған деп хабарлайды Алматы телеарнасы.
Сейфуллин даңғылындағы көпқабатты үйдің пәтеріне баса-көктеп кірген полицейлер екі жігіт пен жас қыздардың көңіл көтеріп отырғанын көрген. Ал тәртіп сақшыларын байқаған бойжеткендер өздерінің ешқандай қызмет көрсетпейтінін айтып, ақталыпты.
Алайда олардың бар былығын қызық қуған клиенттері айтып берген.
“Екі қыз интимдік қызмет ұсынады. Сағатына 6 мың теңге”, – деген олар тәртіп сақшыларына.
Арада жарты сағат өтпестен қаланың Дулатов көшесінде тағы бір жөзекшелер ордасы анықталыпты.
Онда үшқабатты ғимараттың асты көлік жөндеу орны болса, жоғарғы қабаттары тәнін саудалаған қыздардың мекені екен.
Қарағанды облысында 12 адам дөнерден уланып ауруханаға түсті
Полицейлер бұл бір түндік рейдте 20-дан астам интимді қызмет көрсететін қыздарды анықтаған.
“Түнгі көбелектердің” неліктен мұндай әрекетке баратынына жас қыздардың бірі жауап қатқан. Ол өзінің баласын асырау қажеттігін, алайда күнделікті ақшасы жетпейтінін айтыпты.
Ал жөзекшелердің бірі күніне 20-25 мың теңге табатынын, ата-анасымен мүлде араласпайтынын жеткізген екен.