Жол ортасында кептеліс туғызған Gelandewagen жүргізушілеріне айыппұл салынды, деп хабарлайды ҚазАқпарат.
«17:45 пен 17:48 аралығында ІІД Орталық ақпараттық басқармасына Төле би көшесі мен шығыс айналма жолы қиылысында батыс бағытта 4 Mercedes Gelandewagen көлігі тұрғаны туралы хабарланған. Көліктер жол қозғалысына кедергі келтіріп, кептеліс туғызған», – деді қалалық ІІД әкімшілік полиция басқармасының басшысы Жандос Мұраталиев.
«Жүргізушілерге ҚР ӘқК 597-бабының 1-бөлімімен әкімшілік хаттама толтырылды. Жүргізушілер 31 мен 43 жас аралығындағы ер адамдар -Алматы облысының тұрғындары болып шықты. Олар жол ережесін бұзғандарын бірден мойындарына алды. Мұндай әрекеттерін білместіктен болғанын түсіндірді», – деді ол.