Алматыда теракт жасамақ болған радикальдық топтың мүшелері ұсталды.
Бұл туралы ҚР Ұлттық қауіпсіздік комитетінің баспасөз қызметі хабарлады.
„2016 жылдың 10-қазанында Алматы қаласында Ұлттық қауіпсіздік комитетінің қызметкерлері құқық қорғау және арнаулы органдардың қызметкерлеріне қатысты террористік актілер жасауды жоспарлаған радикалды топтың үш мүшесін ұстады.
Ұсталғандардан қолдан істелетін жарылғыш құрылғы құрауыштары және детонаторлар, теракті жасауға үндейтін діни-экстремистік материалдар алынды„ делінеді арнайы хабарламада.
Бұл іске қатысты жедел-тергеу іс-шаралары жүргізіліп жатыр.
Еске сала кетелік, 18-шілдеде Алматыда теракті орын алды. Қаскүнемнің қолынан сегіз адам ажал құшты: олардың алтауы полицейлер, біреуі шекара қызметінің қызметкері және тағы біреуі жақында зейнеткерлікке шыққан экс-полицей.