Алматыда талтүсте ер адам жолбарысты қыдыртып жүрген (видео)
Алматының арбатында ер адам жолбарысты қыдыртып жүр.
Видео Инстаграмның тобында жарияланды.
Көпшілік қоғамдық орында жыртқышты қыдыртып жүрген ер адамды көріп таңғалды. Жолбарыстың тұмылдырығы да жоқ. Куәгердің бірі жолбарысты видеоға түсіріп, жариялап жіберді. Желі қолданшылары жыртқыш иесін сынады.
“Жолбарысты асырап жүргені несі?” “Ол жыртқыш аң. Бәрібір қанында жыртқыштық болады. Балаға, адамға шапса, ешкім де тосқауыл бола алмайды”, “Иесінің есі дұрыс па өзі? Не тұмылдырығы жоқ, көшеде қыдыртып жүрегін несі”, “Мұндайларға шара қолдану керек”, – дейді олар.
Көпшілік жыртқыштың орны саябақ емес, зообақ екенін айтып жатыр.
Желі қолданушысының бірі өзін қабаған итінің тұмылдырықсыз жүргені үшін полиция ұстап, айыппұл алдырғанын айтты. Ал, мұнда ит түгілі жолбарыс тұмылдырықсыз еркін жүр.
Дерек көз:Stan.kz.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе