Алматыда пенопласт өндіретін цех өртенді

Алматы қаласының Алғабас ауданында пенопласт өндіретін цех өртенді.

Бұл туралы Алматы қалалық төтенше жағдайлар департаментінің ресми өкілі Сандуғаш Баймұхамбетова мәлім етті.

«Бүгін түск сағат 13:50 минутта Алматы төтенше жағдайлар департаментінің «101» қызметіне Алатау ауданы Алғабас шағын ауданындағы №2 жылу электр орталығы маңындағы цех өртенгені жайлы куәгерлерден хабар келіп түсті. Өрт сөндірушілер 8 минуттан соң сол жерге барды. Олар пенопласт өндіретін цех өртеніп жатқанына куә болған», деді төтенше жағдай департаментінің ресми өкілі.

Қолға алынған шаралар нәтижесінде сағат 14:08-де өрттің беті қайтып, 14:21-де қызыл жалын толығымен сөндірілді. Тілсіз дұшпан 450 шаршы метр аумақты жалмаған.